Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

Im Früehlig 2011 het alles sin afang gno.....

Das grosse rote Huus wo scho viel erläbtg het isch scho sit einiger Zyt leer und zum verkauf gstande... Entdeckt vom Papi Derungs sind mir das riesige Huus au mol vo inne go aluege, eifach wills eus wunder gno het. In de Rüümlichkeite gstande het meh agfange philosopiere, spontani Idee besproche und isch eifach beidruckt gsi vo dem Grosse Huus. Eso isch didee vom Trafico entstande.

Us de Idee Trafico isch de Plan Trafico worde....und eso het alles sin lauf gno.....

 

Im Septämber 2011 isch de offiziell Startschuss gfalle. Voller Energie simmer and userisse gange. Mit Fründe, Bekannte und Familie händ mir Samschtig für Samschtig eusi èberhose ahzoge und händ Wänd, Deckene und alles alte usegrisse, klopft und gspritzt. Mit schreck händ mir feschtgstellt, dass bi dem Umbau meh arbet uf eus zuechunt als eus lieb gsi isch. Eso simmer jede Dag uf die Baustell gange und hend alles was use het müesse usegworfe, bis das Huus leer gsi isch. Schritt für Schritt isch alles wider neu ihbaut worde. Wies aber meischtens eso isch, wärde eim mängmol Stei in Wäg gleit...warte uf Bewilligunge, ihsproche wärde erhobe, Material zspot gliferet....Schlussändlich sind anderthalb Joohr vergange...mir händ viel glache, gstritte und eus gegesitig unterstüzt und den hämmers doch gschafft!

Am 04.März 2013 händ mirs vollbracht! Mir händ am 07:00 serschti mol eusi Türe für sie göffnet!

Sit drüü Joohr dörfe mir sie täglich begrüesse!

Viele Härzliche Dank an Sie! 

Es paar Bilder vom Umbau